Iculo 278 - Nkosi, sihlangene

Nkosi, sihlangene,

Kuyo indlu yaKho;

Yiza naWe, se singene

Ebusweni baKho.

Intliziyo zethu

Ziya kugulela;

Kwa nemiphefumlo yethu

Iya kukhangela.

Ubuncoko baKho, 

Bawo, ma sibuve; 

Lakutyhilwa izwi laKho, 

NaWe ma sikuve.

Ma usilungise

Thina bantu baKho;

Sakububa, singenise

Ezulwini laKho. 

Iculo 258 - Jerusalem, ikhaya lam

Jerusalem, ikhaya lam, 

Endilithandayo; 

Wofezwa nin' umzamo wam?

Ze ndiphumle kuwe. 

Obana nin' amehlo am

Loo masango mahle; 

Nezitrata zegolide

Zomzi wosindiso?

Umzi omhle kune Eden,

Ongangenwa soono;

Nezihlalo zawo zihle;

Ndikhumbula wona.

Zingandidakumbisa na

Iintlungu nokufa?

Se ndiyibon' iKanana

Engunaphakade.

Namabandl' aabapostile

Angqong' umSindisi;

Nabo bonk' abakuKristu,

Baya kuya khona.

Ndiya kulangazelela,

Jerusalem entsha;

Imizamo yam yophela

Iculo 246 - Lukhangela kuWe

Lukhangela kuWe, 

Mvana yeKalvari, 

Ukholo lwam; 

Ndive ndithandaza, 

Susa ityala lam, 

Kususela namhla, 

Ndenz' owaKho. 

Ndinike amandla, 

Kwa nenzondelelo, 

So-lufefe; 

Uthando lwam kuWe, 

Ma luvuthe nene, 

Ekubeni Wena

Wandifela.

Ndisacand' udada, 

Lwentlalo enzima, 

Ndikhokele. 

Khanyis' ubumnyama, 

Sula iinyembezi, 

Ma ndingaze ndimke 

KuWe, Ndlela.

Kwakuphel' ubomi, 

Kwakufik' ukufa, 

Ndivelele. 

MSindisi ngothando, 

Shenxis' uloyiko, 

Ndise ezulwini, 

Ndiphunyuzwe.

Iculo 245 - Ndikhokele, O Yehova!

Ndikhokele, O Yehova!

Ndingumhambi nKosi yam; 

Unamandla: andinawo, 

Onobuthathaka ndim. 

O mSindisi!

Nguwe olikhaka lam.

Lowo mthombo wosindiso

Owavulwa ngenxa yam; 

Ma uvele umpompoze 

Uzihlamb' izono zam.

O mSindisi!

NguWe oluncedo lwam.

Ndifikile eJordane, 

Susa izoyiko zam; 

Z' undikhaphe, se ndiwela:

Yiba ungumNcedi wam. 

O mSindisi!

Nguwe olithemba lam.

Iculo 116 - Lizalis' idinga laKho

Lizalis' idinga laKho, 

Thixo nKosi yenyaniso!

Zonk' iintlanga, zonk' izizwe, 

Ma zizuze usindiso. 

Amadolo kweli lizwe, 

Ma kagobe phambi kwaKho;

Zide zithi zonk' iilwimi, 

Ziluxel' udumo lwaKho.

Law'la, law'la, nKosi, Yesu!

Koza ngaWe ukonwaba; 

Ngeziphithi-phithi zethu, 

Yonakele imihlaba. 

Bona izwe lakowethu, 

uxolel' izoono zalo; 

Ungathob' ingqumbo yaKho, 

Luze luf' usapho lwalo.

Yaala, nKosi, singadeli

Iimfundiso zezwi laKho; 

Uze usivuselele, 

Sive inyaniso yaKho.

Iculo 67 - Wakrazulwa ngenxa yami

Wakrazulwa ngenxa yami,
LiWa laphakade!
Kuze ndizifihle kuWe,
Nxeba likaYesu!

Yeyani na le mikrozo,
Kwelo cala laKho?
Yeyegazi, yeyamanzi,
Ma ndihlanjululwe.

Iziphoso zethu zonke
Zabalelwa kuWe;
Nezilandu zethu zonke
Zabalelwa kuWe.

Sixolelwa, siphiliswa,
Ngezo ntlungu zaKho.
Siya hlanjwa ezonweni,
Ngelo gazi laKho

Njengebhadi

Njengebhadi libhadula,
Ukufun'umthombo
Iyafuna njalo Thixo
Intliziyo yami

Inxaniwe intliziyo
Inxanelw'uThixo
Ewe lowo waziwayo
Ungophilileyo

Iziphoso zam zininzi
Azinakubalwa
Nguwe Nkosi asusayo
Zonk'izono zomntu